mambokitaa

Hizi ndio picha za tukio zima lilivyokuwa likiendelea.

SISTA wa Parokia ya Makoka iliyopo Kibangu, Dar ameuawa na majambazi yaliyokuwa kwenye bodoboda wakati akiingia kwenye gari akitokea dukani eneo la River Side, Ubungo jijini Dar es Salaam hivi punde. Kabla ya kuuawa sista huyo, dereva wake alipigwa risasi mkononi na majambazi hayo.





Mwili wa Sista baada ya kupigwa risasi.


Kidole cha dereva kilichokatwa kwa risasi.


Ganda la risasi likiwa eneo hilo la tukio.


...Dereva akiwasiliana na jamaa zake baada ya kupigwa risasi na sista aliyekuwa naye kuuawa.


Wananchi wakiwa eneo la tukio.




SOURCE: GPL

World cup hii
Demu; Baby kwanini hawa blue(Bosnia) wamefunga 2 na hawa akina Messi(Argentina) wamefunga 1 lkn inaonyesha akina Messi wameshinda mechi?
Jamaa; hawa blue goli 1 wamejifunga
Demu; kwahiyo lzm wafunge goli la huku?
Jamaa; ndiyo
Demu; sasa mbona Messi nae kafunga goli la huku?
Jamaa; halftime huwa wanabadilishana magoli
Demu; aanhaaa kumbe!!!
Demu; halaf baby si ulinambia uwanjani wachezaj mwisho 11?. sasa mbona yule kavaa no 15?
Jamaa; jezi unavaa no yoyote
Demu; sasa baby km golikipa anaruhusiwa kushika mpira na mkono kwanini asikimbie nao mpk mbele kisha akampa Messi akafunga lkn mpk apige huku huku?
Jamaa; mpenzi hebu tulale mpira umeshaisha kesho kazini

Jambo lisilo kuwa akawaida katika kata ya Mawala mkoani Mtwara Vijijini watoto walikutwa na msamalia mwema wakichezea bomu la 60mm walilolokota pembezoni na kichaka.

Muimbaji wa dini, Emmanuel Mbasha (ambaye ni mme wa Flora Mbasha) anayekabiliwa kwa kesi ya ubakaji, ameachiwa kwa dhamana na kesi itatajwa tena julai 17.
Emmanuel Mbasha amefikishwa leo mahakama ya Ilala na kupatiwa dhamana hiyo baada ya kutimiza masharti yaliyohitajika.

TAKRIBAN watu 20 wameuawa katika shambulizi la pili la usiku katika pwani ya Kenya.
Kundi la wapiganaji la Al Shabaab limekiri kutekeleza shambulizi hilo la pili katika vijiji viwili zaidi na kusema wengi waliouawa ni maafisa wa polisi.
Wapiganaji hao walivamia vijiji viwili karibu na mji wa Mpeketoni, ambao ni eneo la mashambulizi ya kwanza yaliyosababisha mauaji ya watu 48.
Tukio hilo limetokea licha ya maafisa wengi wa polisi kupelekwa katika eneo hilo kufuatia mauaji hayo ya Jumapili.
Kwa mujibu wa BBC, wakazi wa eneo hilo wamelalamikia Serikali kwa kutowapa ulinzi baada ya shambulizi la kwanza na sasa wanaishi kwa hofu.
Serikali imesema wanamgambo wa Al Shabaab walikata mawasiliano ya simu katika eneo hilo kabla ya kutekeleza shambulizi hilo.
Wanamgambo hao wanaohusishwa na kundi la Al Qaeda wamesema wataendelea kufanya mashambulizi nchini Kenya ikiwa serikali haitaondoa wanajeshi wake nchini Somalia.
Shambulizi hilo la vijijini limeonekana kuwa mfumo mpya wa mashambulizi ambayo yamekuwa yakifanywa na Al Shabaab ambao mara nyingi wamekuwa wakilenga maeneo ya mijini hasa miji mikubwa.
Takriban watu 48 waliuawa katika mashambulizi yaliyofanyika usiku wa kuamkia Jumatatu huku watu wenye silaha wakishambulia hoteli na kituo cha polisi pamoja na kuteketeza magari.
Wakati huohuo, Rais wa Kenya, Uhuru Kenyatta, amesema mauaji yaliyofanywa katika mji wa Mpeketoni hayakufanywa na kundi la wapiganaji wa Kiislamu la Al Shabaab.
Kauli ya Rais Kenyatta inakuja kupitia televisheni siku moja baada ya kundi hilo kukiri kufanya mauaji yaliyotokea Mpeketoni Jumapili usiku.
Rais Kenyatta amesema kuna ushahidi kuonesha kuwa shambulizi hilo lilipangwa vyema na kwamba wanasiasa nao walihusika.

Usafishaji wa uso ni muhimu sana katika utunzaji wa ngozi aidha kwa mwanamke hata pia mwanaume ili kujihakikisha afya nzuri na muonekano mzuri,leo kupitia Maridadi Agency tutajifunza namna ya kusafisha uso pila kutumia kemikali ya aina yoyote .
na ni njia ambayo ni safi na salama kwa afya yako.

Mahitaji

1. Maziwa ya mgando
2. Mlozi na karoti
3. Maji vuguvugu
4. Limao
5. Taulo laini au la pamba

   Njia

1. Chukua maziwa ya mgando na utumie kusafisha uso wako.
2. Scrub kwa kutumia mchanganyiko wa mlozi na karoti au mlozi wa jani la chai.
3. fanya toning na maji vuguvugu yaliyochanganywa na kipande cha limao na weak kidogo katika taulo la pamba na futa uso wako mahali pote kasoro penye tatizo.
4. Tumia ute mweupe ambao utakuwa umemwagia katika taulo lako na kujisugua taratibu.
5. Jisafishe na maji ya vuguvugu
6. Fanya toning tena kama ilivyokuwa katika hatua ya tatu juu
7. Ili kuondoa ukavu wa ngozi, kata matango na yabandike katika ngozi.

Habari za Uhakika zilizopo mjini Mbeya zinasema kuwa Mwanamuziki wa Injili nchini Tanzania anayejulikana kwa jina la Happy Kamili anayetamba sana na wimbo wake "Mpango Wa Mungu" na "Jina Kubwa" amehukumiwa kifungo cha Miezi Mitatu Jela bila faini katika Mahakama Ya Mwanzo Mkoani humo kwa Kosa la Kusababisha ajali ya barabarani.






Kesi hiyo iliyokuwa imeanza kusikilizwa mwezi January Mwaka huu, siku ya jana imetolewa hukumu kwa Mwanamuziki huyo kupatikana na hatia ya kusababisha ajali kwa kugonga gari lingine kwa nyuma. Mwanamuziki huyo baada ya Kukiri kutenda kosa hilo mahakamani alipatikana na hatia ya Hakimu alitoa Hukumu ya Miezi Mitatu Jela pasipo kutoa Hukumu Mbadala ya Faini.

MATUKIO ya ukatili dhidi ya watoto, bado yameendelea kushika kasi kwenye maeneo mbalimbali nchini ambapo katika Mkoa wa Simiyu, mtoto mwenye umri wa miaka 17 (jina tunalihifadhi), mkazi wa Bariadi Mjini na mwanafunzi wa Shule ya Msingi Bariadi, amejikuta akifungwa kamba mikononi na miguuni kwa miezi minne nyumbani kwa mganga wa kienyeji.


Mganga huyo amefahamika kwa jina la Mdeli Msanja ambaye aliamua kufanya ukatili huo baada ya wazazi wa mtoto huyo ambaye anamatatizo ya akili, kushindwa kumlipa pesa za matibabu. Akizungumzia tukio hilo, Kamanda wa Polisi mkoani humo, Charles Mkumbo, alisema wazazi wa mtoto huyo walikubaliana na mganga huyo kumlipa sh. 260,000 kama mtoto wao atapatiwa matibabu na kupona.

“Pamoja na wazazi kukubaliana na mganga husika, hali ya mtoto haikuweza kubadilika wala kupata unafuu hivyo waliomba kumchukua mtoto wao kitendo ambacho kilipingwa na mganga kwa madai ya kutolipwa pesa zake ambazo walikubaliana,” alisema.


Alisema mganga huyo aliamua kumchukua mtoto huyo na kumfungia chumbani kwake kwa kamba miguuni na mikononi kwa kipindi cha miezi minne akidai pesa zake na kuwapa wakati mgumu wazazi wake. Kutokana na msimamo wa mganga huyo, mama mzazi wa mtoto huyo Malita James (46), alilazimika kwenda kutoa taarifa Kituo cha Polisi Bariadi kuhusu mateso anayoyapata mwanaye kwa mganga.

“Polisi walishirikiana na Dawati la Jinsia kufanya uchunguzi wa tukio hili na walipofika kwa mganga, walimkuta akiwa amemfunga kamba miguuni na mikononi,” alisema Kamanda Mkumbo.

Aliongeza kuwa, polisi walimkamata mganga huyo ambaye hakuwa na kibali cha kutoa tiba za asili, pia alikamatwa na nyara za Serikali ambazo ni pembe moja ya swala na mikia miwili ya nyumbu ambapo uchunguzi ukikamilika atafikishwa mahakamani.